zindagi naqsh-e-ab hai logo

zindagī naqsh-e-āb hai logo

bulbula hai sarāb hai logo

tum jahāñ se bhī chāho paḌh Daalo

merā chehra kitāb hai logo

zāhiran sab sukūñ se rahte haiñ

sab ko hī iztirāb hai logo

ūñche-ūñche makān ḳhālī ghar

sab kā ḳhāna-ḳharāb hai logo

is shahar Duube us shahar nikle

ishrat-e-āftāb hai logo

merī barbādiyāñ hī becho tum

kuchh kamāo savāb hai logo

phir na aanā nizām TūTegā

aa ke jāoge ḳhvāb hai logo

ghar kī dahlīz par jalānā charāġh

daras-e-'īraj' kā baab hai logo

zindagi naqsh-e-ab hai logo

bulbula hai sarab hai logo

tum jahan se bhi chaho paDh Dalo

mera chehra kitab hai logo

zahiran sab sukun se rahte hain

sab ko hi iztirab hai logo

unche-unche makan KHali ghar

sab ka KHana-KHarab hai logo

is shahar Dube us shahar nikle

ishrat-e-aftab hai logo

meri barbaadiyan hi becho tum

kuchh kamao sawab hai logo

phir na aana nizam TuTega

aa ke jaoge KHwab hai logo

ghar ki dahliz par jalana charagh

daras-e-'iraj' ka bab hai logo