zindagi pane ki hasrat hai to marta kyun hai
zindagī paane kī hasrat hai to martā kyuuñ hai
shahr-e-mamnūa se ho kar vo guzartā kyuuñ hai
jab bhī amrit kī koī buuñd zabāñ par Tapkī
ik ajab zahar sā rag rag meñ utartā kyuuñ hai
chhū ke har shai ko guzar jaatā hai vo sail-e-balā
mere be-nām jazīre meñ Thahartā kyuuñ hai
ham ko ma.alūm hai lamhāt kā hāsil bhī 'sho.eb'
dil magar Duub ke har lamha ubhartā kyuuñ hai
zindagi pane ki hasrat hai to marta kyun hai
shahr-e-mamnua se ho kar wo guzarta kyun hai
jab bhi amrit ki koi bund zaban par Tapki
ek ajab zahar sa rag rag mein utarta kyun hai
chhu ke har shai ko guzar jata hai wo sail-e-bala
mere be-nam jazire mein Thaharta kyun hai
hum ko malum hai lamhat ka hasil bhi 'shoeb'
dil magar Dub ke har lamha ubharta kyun hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.