زندگی راستے بدل رہی ہے
موت بھی اپنی چال چل رہی ہے
یا الٰہی تعلقات کی خیر
دوستی حاشیے پہ چل رہی ہے
چاند مصروف ہے خلاؤں میں
روشنی ذائقے بدل رہی ہے
ہنس کے منظور کر لیا ہے مگر
بات اب بھی ذرا سی کھل رہی ہے
بے یقینی کی اک ردا اوڑھے
زندگی ساتھ ساتھ چل رہی ہے
بد گمانی کا احتمال تو ہے
شمع امید پھر بھی جل رہی ہے
بند مٹھی میں ریت کی مانند
زندگی اے قلقؔ پھسل رہی ہے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
