zindagi ranj-o-shadmani hai

zindagī ranj-o-shādmānī hai

ye kahānī bahut purānī hai

dard-e-dil phir sahī zarā dam le

koī pal apnī zindagānī hai

gul-jabīñ hai hasīn-o-mahvash bhī

'ālam-e-ḳhvāb vo javānī hai

rang duniyā badal gayā lekin

dil meñ sūrat vahī purānī hai

ye shab-e-ġham ye merī tanhā.ī

is rifāqat kā kaun saanī hai

shiddat-e-ġham se phaT na jaa.e dil

hijr kī raat jāvedānī hai

tark-e-ḳhalvat se kyā milā ham ko

mahfiloñ meñ bhī rā.egānī hai

ye mohabbat hai ik qayāmat sī

ham pe guzrī to ham ne maanī hai

mausam-e-gul hai sūrat-e-mahshar

yūñhī ab zindagī bitānī hai

maiñ ne nazroñ se kar diyā shikva

kyā 'ajab merī be-zabānī hai

zindagī kā safar tamām huā

āmad-e-marg-e-nā-gahānī hai

katba merī lahad pe likhvānā

zindagī ik charāġh-e-fānī hai

zindagi ranj-o-shadmani hai

ye kahani bahut purani hai

dard-e-dil phir sahi zara dam le

koi pal apni zindagani hai

gul-jabin hai hasin-o-mahwash bhi

'alam-e-KHwab wo jawani hai

rang duniya badal gaya lekin

dil mein surat wahi purani hai

ye shab-e-gham ye meri tanhai

is rifaqat ka kaun sani hai

shiddat-e-gham se phaT na jae dil

hijr ki raat jawedani hai

tark-e-KHalwat se kya mila hum ko

mahfilon mein bhi raegani hai

ye mohabbat hai ek qayamat si

hum pe guzri to hum ne mani hai

mausam-e-gul hai surat-e-mahshar

yunhi ab zindagi bitani hai

main ne nazron se kar diya shikwa

kya 'ajab meri be-zabani hai

zindagi ka safar tamam hua

aamad-e-marg-e-na-gahani hai

katba meri lahad pe likhwana

zindagi ek charagh-e-fani hai