zindagi tang tere alap se main

zindagī tañg tire alaap se maiñ

Darne lagtā huuñ apnī chaap se maiñ

vajd meñ thaap mujh se lipTī hai

aur lipTā huā huuñ thaap se maiñ

tujh se milne kī aarzū le kar

aaj niklā huuñ apne aap se maiñ

sard rātoñ meñ aah ban ke uThī

jal gayā thā vahīñ pe bhaap se maiñ

thī kaḌī dhuup ghar se bāhar to

par kabhī kah sakā na baap se maiñ

sun ke bechain hogī duur hai vo

jo yahāñ jal rahā huuñ taap se maiñ

ranj miltā hai roz mujh se gale

thak gayā huuñ tire milāp se maiñ

zindagi tang tere alap se main

Darne lagta hun apni chap se main

wajd mein thap mujh se lipTi hai

aur lipTa hua hun thap se main

tujh se milne ki aarzu le kar

aaj nikla hun apne aap se main

sard raaton mein aah ban ke uThi

jal gaya tha wahin pe bhap se main

thi kaDi dhup ghar se bahar to

par kabhi kah saka na bap se main

sun ke bechain hogi dur hai wo

jo yahan jal raha hun tap se main

ranj milta hai roz mujh se gale

thak gaya hun tere milap se main