zindagi tera eatibar nahin

zindagī terā e.atibār nahīñ

is liye terā intizār nahīñ

tujh ko matlab nahīñ zamāne se

aarzū terī pur-bahār nahīñ

terī chāhat meñ gum huī duniyā

phir bhī tujh ko kisī se pyaar nahīñ

tere aane pe shaad hote haiñ

jin kā jaane par iḳhtiyār nahīñ

tū ne rasm-e-vafā na jaanī kabhī

be-ruḳhī kā tirī shumār nahīñ

tū ne jab chāhā muñh ko moḌ liyā

tū kisī kī bhī ġham-gusār nahīñ

tere jaane se dil-malūl haiñ ham

tū kisī kī bhī jāñ-nisār nahīñ

terī har ek adā suhānī sahī

tū qarīñ hai magar qarār nahīñ

zindagi tera eatibar nahin

is liye tera intizar nahin

tujh ko matlab nahin zamane se

aarzu teri pur-bahaar nahin

teri chahat mein gum hui duniya

phir bhi tujh ko kisi se pyar nahin

tere aane pe shad hote hain

jin ka jaane par iKHtiyar nahin

tu ne rasm-e-wafa na jaani kabhi

be-ruKHi ka teri shumar nahin

tu ne jab chaha munh ko moD liya

tu kisi ki bhi gham-gusar nahin

tere jaane se dil-malul hain hum

tu kisi ki bhi jaan-nisar nahin

teri har ek ada suhani sahi

tu qarin hai magar qarar nahin