زندگی تیرا اعتبار نہیں

زندگی تیرا اعتبار نہیں

اس لیے تیرا انتظار نہیں

تجھ کو مطلب نہیں زمانے سے

آرزو تیری پر بہار نہیں

تیری چاہت میں گم ہوئی دنیا

پھر بھی تجھ کو کسی سے پیار نہیں

تیرے آنے پہ شاد ہوتے ہیں

جن کا جانے پر اختیار نہیں

تو نے رسم وفا نہ جانی کبھی

بے رخی کا تری شمار نہیں

تو نے جب چاہا منہ کو موڑ لیا

تو کسی کی بھی غم گسار نہیں

تیرے جانے سے دل ملول ہیں ہم

تو کسی کی بھی جاں نثار نہیں

تیری ہر ایک ادا سہانی سہی

تو قریں ہے مگر قرار نہیں