zindagi teri inayat bhi ghazab hoti hai

zindagī terī ināyat bhī ġhazab hotī hai

ishq ho jaa.e to hālat hī ajab hotī hai

bas mohabbat bhī hai dāġh-e-kaf-e-mūsā kī tarah

mo.ajize kyā nahīñ hote haiñ ye jab hotī hai

ai mire dil mujhe ye aas dilā.e rakhnā

ik nazar lutf kī ab hotī hai ab hotī hai

ye ġhanīmat hai ki hai naġhma-e-soz-e-hastī

zindagī yuuñ bhī kahāñ raqs-e-tarab hotī hai

ruuh dar-asl mohabbat ke sivā kuchh bhī nahīñ

dam meñ dam dil meñ ye dhaḌkan kā sabab hotī hai

tishnagī had se guzar jaa.e na ba.ad-e-taskīñ

aur mil jaa.e to phir aur talab hotī hai

be-ḳhudī sā koī aalam hai ḳhudī par taarī

kaifiyat aisī ḳhabar kyā mujhe kab hotī hai

dil churā le jo use kahtī hai jaañ bhī de do

ye mohabbat bhī tabī.at kī ajab hotī hai

mere bas meñ to faqat mashq-e-suḳhan hai 'pinhāñ'

ḳhud ġhazal chāhe ki ho jaa.e ye tab hotī hai

zindagi teri inayat bhi ghazab hoti hai

ishq ho jae to haalat hi ajab hoti hai

bas mohabbat bhi hai dagh-e-kaf-e-musa ki tarah

moajize kya nahin hote hain ye jab hoti hai

ai mere dil mujhe ye aas dilae rakhna

ek nazar lutf ki ab hoti hai ab hoti hai

ye ghanimat hai ki hai naghma-e-soz-e-hasti

zindagi yun bhi kahan raqs-e-tarab hoti hai

ruh dar-asl mohabbat ke siwa kuchh bhi nahin

dam mein dam dil mein ye dhaDkan ka sabab hoti hai

tishnagi had se guzar jae na baad-e-taskin

aur mil jae to phir aur talab hoti hai

be-KHudi sa koi aalam hai KHudi par tari

kaifiyat aisi KHabar kya mujhe kab hoti hai

dil chura le jo use kahti hai jaan bhi de do

ye mohabbat bhi tabiat ki ajab hoti hai

mere bas mein to faqat mashq-e-suKHan hai 'pinhan'

KHud ghazal chahe ki ho jae ye tab hoti hai