zindagi zauq-e-parastish ki saza mange hai

zindagī zauq-e-parastish kī sazā māñge hai

kāñch ke ka.abe meñ patthar kā ḳhudā māñge hai

aaj phir apne payambar kī panāhoñ ke liye

ahd-e-āshob koī ġhār-e-hirā māñge hai

zindagī aaj hai insān kī to misl-e-qafas

umr-e-paiham ke liye apnī chitā māñge hai

husn-kārī ke liye aaj ye dildār-e-suḳhan

rañg-e-ḳhūñ aur zarā bū-e-hinā māñge hai

minnat-e-gosh nahīñ qāfila-e-vaqt-e-'sahar'

lamha lamha vo magar bāñg-e-darā māñge hai

zindagi zauq-e-parastish ki saza mange hai

kanch ke kabe mein patthar ka KHuda mange hai

aaj phir apne payambar ki panahon ke liye

ahd-e-ashob koi ghaar-e-hira mange hai

zindagi aaj hai insan ki to misl-e-qafas

umr-e-paiham ke liye apni chita mange hai

husn-kari ke liye aaj ye dildar-e-suKHan

rang-e-KHun aur zara bu-e-hina mange hai

minnat-e-gosh nahin qafila-e-waqt-e-'sahar'

lamha lamha wo magar bang-e-dara mange hai