ziya-e-rang bhi kuchh to dosti karo yar

ziyā-e-rañg bhī kuchh to dostī karo yaar

bahut añdherā hai kamre meñ raushnī karo yaar

yahāñ farāġhateñ bār-e-garāñ haiñ rishtoñ par

qarābatoñ kā taqāzā hai naukrī karo yaar

bharam nigāh meñ rakkho vaqār-e-qāmat kā

baḌā hai zarf to phir baat bhī baḌī karo yaar

chahaktī shab meñ ḳhamoshī udaas jañgal hai

laboñ ke phuul mahakne do baat bhī karo yaar

jahāñ balā-e-fanā ghaat meñ khaḌī hai vahāñ

ye chaar sāñseñ ġhanīmat haiñ zindagī haiñ karo yaar

payām likkho mohabbat se aur bhejo use

baḌā hasīn hai ye kaam ise abhī karo yaar

tilism-e-fikr se aage haiñ ishrateñ 'ādil'

ye qaid-ḳhāna girā Daalo zindagī karo yaar

ziya-e-rang bhi kuchh to dosti karo yar

bahut andhera hai kamre mein raushni karo yar

yahan faraghaten bar-e-garan hain rishton par

qarabaton ka taqaza hai naukri karo yar

bharam nigah mein rakkho waqar-e-qamat ka

baDa hai zarf to phir baat bhi baDi karo yar

chahakti shab mein KHamoshi udas jangal hai

labon ke phul mahakne do baat bhi karo yar

jahan bala-e-fana ghat mein khaDi hai wahan

ye chaar sansen ghanimat hain zindagi hain karo yar

payam likkho mohabbat se aur bhejo use

baDa hasin hai ye kaam ise abhi karo yar

tilism-e-fikr se aage hain ishraten 'adil'

ye qaid-KHana gira Dalo zindagi karo yar