ziyan gar kuchh hua to utna jitna sud hota hai
ziyāñ gar kuchh huā to utnā jitnā suud hotā hai
yahī jo hast hai is pal yahī to buud hotā hai
tirī maujūdgī mahdūd kartī hai tujhe tujh tak
tū nā-maujūd hone hī pe lā-mahdūd hotā hai
jise dekho ba-zo.am-e-ḳhud hai Theke-dār jannat kā
kahīñ ik-ādh hī mujh sā koī mardūd hotā hai
sabhī gup-chup takā karnā but-e-be-his banā rahnā
ḳhudā tujh hī sā kyā sach-much mire ma.abūd hotā hai
vo pyāsā tarsā barsoñ kā thā aur maiñ rū-ba-rū us ke
bas ik chiñgārī ho to phir kahāñ bārūd hotā hai
to pal bhar meñ nadārat gum sabhī duniyā jahāñ aalam
maiñ us se aur vo mujh se jab badan-ālūd hotā hai
ziyan gar kuchh hua to utna jitna sud hota hai
yahi jo hast hai is pal yahi to bud hota hai
teri maujudgi mahdud karti hai tujhe tujh tak
tu na-maujud hone hi pe la-mahdud hota hai
jise dekho ba-zoam-e-KHud hai Theke-dar jannat ka
kahin ik-adh hi mujh sa koi mardud hota hai
sabhi gup-chup taka karna but-e-be-his bana rahna
KHuda tujh hi sa kya sach-much mere mabud hota hai
wo pyasa tarsa barson ka tha aur main ru-ba-ru us ke
bas ek chingari ho to phir kahan barud hota hai
to pal bhar mein nadarat gum sabhi duniya jahan aalam
main us se aur wo mujh se jab badan-alud hota hai
- Book : Par Khule Toe (Pg. 13)
- Author : Shamim Abbas
- Publication : Qalam Publications (2013)
- Edition : 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
