zoaf-e-shab ne ek aasuda thakan zinda kiya

zo.af-e-shab ne ek āsūda thakan zinda kiyā

jab huī murda havas us ne badan zinda kiyā

sāmne kī chiiz se Thokar lagī thī ek din

rauñd kar qadmoñ se āsār-e-kuhan zinda kiyā

karnā thā ma.atūb hotī sā.atoñ ko surḳh-rū

qahqahe gum karne kā us ne chalan zinda kiyā

ġham chamaktā thā añdhere meñ ba-rang-e-āftāb

ruḳh pe zulmat Daal kar us ne gahan zinda kiyā

apne ḳhuuñ ke rang se daryāft honā thā mujhe

kaaT kar dast-e-hunar maiñ ne ye fan zinda kiyā

bar-sabīl-e-tazkira jab mar gayā arz-e-hunar

maiñ ne 'raunaq' phir se mauzū-e-suḳhan zinda kiyā

zoaf-e-shab ne ek aasuda thakan zinda kiya

jab hui murda hawas us ne badan zinda kiya

samne ki chiz se Thokar lagi thi ek din

raund kar qadmon se aasar-e-kuhan zinda kiya

karna tha matub hoti saaton ko surKH-ru

qahqahe gum karne ka us ne chalan zinda kiya

gham chamakta tha andhere mein ba-rang-e-aftab

ruKH pe zulmat Dal kar us ne gahan zinda kiya

apne KHun ke rang se daryaft hona tha mujhe

kaT kar dast-e-hunar main ne ye fan zinda kiya

bar-sabil-e-tazkira jab mar gaya arz-e-hunar

main ne 'raunaq' phir se mauzu-e-suKHan zinda kiya