زور سے چیختے پکارتے ہیں

زور سے چیختے پکارتے ہیں

کچھ نئے سے زباں پہ آبلے ہیں

دیکھ سکتے نہیں ذرا سا ہم

تو چلو آؤ خواب لوٹتے ہیں

ڈال رکھے ہیں کب سے کیسے میں

صرف اپنوں میں رنج بانٹنے ہیں

اپنے ہر موڑ پر نہ جانے کیوں

روشنی کے سیاہ قمقمے ہیں

ساتھ دو پل گزار کے پھر سے

یاد اک گم شدہ سی ڈھونڈتے ہیں

گھر ہو کے بھی سفر ادھورا ہے

قدر کے بھی عجیب فیصلے ہیں

ایک صف میں کھڑے ہوئے ہم سب

اپنے اپنے بتوں کو پوجتے ہیں

چائے دو کپ انڈیل کر منصورؔ

آج بھی اس کی راہ دیکھتے ہیں