zor se chiKHte pukarte hain

zor se chīḳhte pukārte haiñ

kuchh na.e se zabāñ pe aable haiñ

dekh sakte nahīñ zarā sā ham

to chalo aao ḳhvāb lūTte haiñ

Daal rakkhe haiñ kab se kiise meñ

sirf apnoñ meñ ranj bāñTne haiñ

apne har moḌ par na jaane kyoñ

raushnī ke siyāh qumqume haiñ

saath do pal guzār ke phir se

yaad ik gum-shuda sī DhūñDte haiñ

ghar ho ke bhī safar adhūrā hai

qadr ke bhī ajiib faisle haiñ

ek saf meñ khaḌe hue ham sab

apne apne butoñ ko pūjte haiñ

chaa.e do cup uñDel kar 'mansūr'

aaj bhī us kī raah dekhte haiñ

zor se chiKHte pukarte hain

kuchh nae se zaban pe aable hain

dekh sakte nahin zara sa hum

to chalo aao KHwab luTte hain

Dal rakkhe hain kab se kise mein

sirf apnon mein ranj banTne hain

apne har moD par na jaane kyon

raushni ke siyah qumqume hain

sath do pal guzar ke phir se

yaad ek gum-shuda si DhunDte hain

ghar ho ke bhi safar adhura hai

qadr ke bhi ajib faisle hain

ek saf mein khaDe hue hum sab

apne apne buton ko pujte hain

chae do cup unDel kar 'mansur'

aaj bhi us ki rah dekhte hain