زلفوں کی چھاؤں چھاؤں رخ لا جواب تھا

زلفوں کی چھاؤں چھاؤں رخ لا جواب تھا

وہ بے نقاب ہوتے ہوئے با نقاب تھا

محو خرام ناز ادائیں شباب تھا

وہ دن ہوا ہوئے کہ پسینہ گلاب تھا

جلوہ نمائیوں میں ہوئی غرق تشنگی

عکس جمال یار بہ جام شراب تھا

اسپ روان عہد جوانی کی منزلیں

وہ میرا ہم رکاب میں پا بہ رکاب تھا

مجھ سے غم حیات کی کیفیتیں نہ پوچھ

شبنم کی طرح اشک تبسم مآب تھا

میں جس کے خواب دیکھ رہا تھا مکان میں

وہ اپنے بیڈ روم میں خود محو خواب تھا

ناکامیوں کی نظر نہ آصیؔ ہوا کبھی

فن کار اپنے فن میں بہت کامیاب تھا