zulfon ki chhanw chhanw ruKH-e-la-jawab tha

zulfoñ kī chhāñv chhāñv ruḳh-e-lā-javāb thā

vo be-naqāb hote hue bā-naqāb thā

mahv-e-ḳhirām-e-nāz adā.eñ shabāb thā

vo din havā hue ki pasīna gulāb thā

jalva-numā.iyoñ meñ huī ġharq-e-tishnagī

aks-e-jamāl-e-yār ba-jām-e-sharāb thā

asp-e-ravān-e-ahd-e-javānī kī manzileñ

vo merā ham-rikāb meñ pā-ba-rikāb thā

mujh se ġham-e-hayāt kī kaifiyyateñ na pūchh

shabnam kī tarah ashk tabassum-ma.āb thā

maiñ jis ke ḳhvāb dekh rahā thā makān meñ

vo apne bed-rōm meñ ḳhud mahv-e-ḳhvāb thā

nākāmiyoñ kī nazar na 'āsī' huā kabhī

fankār apne fan meñ bahut kāmyāb thā

zulfon ki chhanw chhanw ruKH-e-la-jawab tha

wo be-naqab hote hue ba-naqab tha

mahw-e-KHiram-e-naz adaen shabab tha

wo din hawa hue ki pasina gulab tha

jalwa-numaiyon mein hui gharq-e-tishnagi

aks-e-jamal-e-yar ba-jam-e-sharab tha

asp-e-rawan-e-ahd-e-jawani ki manzilen

wo mera ham-rikab mein pa-ba-rikab tha

mujh se gham-e-hayat ki kaifiyyaten na puchh

shabnam ki tarah ashk tabassum-maab tha

main jis ke KHwab dekh raha tha makan mein

wo apne bed-room mein KHud mahw-e-KHwab tha

nakaamiyon ki nazar na 'asi' hua kabhi

fankar apne fan mein bahut kaamyab tha