zulm-e-charKH-e-kuhan ki baat karo

zulm-e-charḳh-e-kuhan kī baat karo

dard-o-ranj-o-mehan kī baat karo

aql kī guftugū meñ lutf kahāñ

koī dīvāna-pan kī baat karo

koī ilzām na do shīrīñ ko

jur.at-e-kohkan kī baat karo

mausam-e-gul kī aamad aamad hai

dāman-o-pairahan kī baat karo

zikr-e-daur-e-ḳhizāñ se kyā hāsil

fasl-e-gul meñ chaman kī baat karo

raqs farmāo jaam chhalkāo

husn-e-tauba-shikan kī baat karo

chheḌ do zikr-e-gesū-o-ruḳhsār

kisī sho.ala-badan kī baat karo

dūsroñ kī kaho na kuchh 'sālik'

aap apne vatan kī baat karo

zulm-e-charKH-e-kuhan ki baat karo

dard-o-ranj-o-mehan ki baat karo

aql ki guftugu mein lutf kahan

koi diwana-pan ki baat karo

koi ilzam na do shirin ko

jurat-e-kohkan ki baat karo

mausam-e-gul ki aamad aamad hai

daman-o-pairahan ki baat karo

zikr-e-daur-e-KHizan se kya hasil

fasl-e-gul mein chaman ki baat karo

raqs farmao jam chhalkao

husn-e-tauba-shikan ki baat karo

chheD do zikr-e-gesu-o-ruKHsar

kisi shoala-badan ki baat karo

dusron ki kaho na kuchh 'salik'

aap apne watan ki baat karo