zulm itna to na Dhao ki uTha bhi na sakun

zulm itnā to na Dhaao ki uThā bhī na sakūñ

dil ke jazbāt ko har lamha chhupā bhī na sakūñ

dil tumheñ chiir ke apnā maiñ dikhā bhī na sakūñ

kyā qayāmat hai tumheñ apnā banā bhī na sakūñ

ḳhud-satā.ī kā sabaq ahl-e-siyāsat jāneñ

be-sabab jaur-o-sitam koī uThā bhī na sakūñ

ahl-e-dil ahl-e-nazar mujh ko kaho yā na kaho

ḳhud-ġharaz ban ke kabhī maiñ to dikhā bhī na sakūñ

aaj ke daur kī tārīḳh ko likhne vaalo

nāravā zulm kī fariyād sunā bhī na sakūñ

ajnabī ban ke guzarte haiñ vo ġhairoñ kī tarah

ġham jo apnoñ ne diye haiñ vo sunā bhī na sakūñ

kuchh to hālāt kā maarā huā dil hai 'nayyar'

mehrbāñ ban ke kisī ko maiñ bulā bhī na sakūñ

zulm itna to na Dhao ki uTha bhi na sakun

dil ke jazbaat ko har lamha chhupa bhi na sakun

dil tumhein chir ke apna main dikha bhi na sakun

kya qayamat hai tumhein apna bana bhi na sakun

KHud-satai ka sabaq ahl-e-siyasat jaanen

be-sabab jaur-o-sitam koi uTha bhi na sakun

ahl-e-dil ahl-e-nazar mujh ko kaho ya na kaho

KHud-gharaz ban ke kabhi main to dikha bhi na sakun

aaj ke daur ki tariKH ko likhne walo

narawa zulm ki fariyaad suna bhi na sakun

ajnabi ban ke guzarte hain wo ghairon ki tarah

gham jo apnon ne diye hain wo suna bhi na sakun

kuchh to haalat ka mara hua dil hai 'nayyar'

mehrban ban ke kisi ko main bula bhi na sakun