zulm-o-sitam ki aag mein jalta raha hun main

zulm-o-sitam kī aag meñ jaltā rahā huuñ maiñ

apne lahū meñ jal ke ubaltā rahā huuñ maiñ

yuuñ bhī nizām-e-dahr badaltā rahā huuñ maiñ

apne lahū se aag ugaltā rahā huuñ maiñ

insāniyat kī tīrgī ho duur is liye

qānūn kī kitāb meñ jaltā rahā huuñ meñ

mujh ko nichoḌtī rahī tārīḳh baar baar

misl-e-magas hī shahd ugaltā rahā huuñ maiñ

yuuñ husn-e-gulsitāñ ko baḌhātā huuñ maiñ 'majīd'

har lamha nok-e-ḳhār pe chaltā rahā huuñ maiñ

zulm-o-sitam ki aag mein jalta raha hun main

apne lahu mein jal ke ubalta raha hun main

yun bhi nizam-e-dahr badalta raha hun main

apne lahu se aag ugalta raha hun main

insaniyat ki tirgi ho dur is liye

qanun ki kitab mein jalta raha hun mein

mujh ko nichoDti rahi tariKH bar bar

misl-e-magas hi shahd ugalta raha hun main

yun husn-e-gulsitan ko baDhata hun main 'majid'

har lamha nok-e-KHar pe chalta raha hun main