ظلم سے درگزر نہیں آتا

ظلم سے درگزر نہیں آتا

ہاں مجھے یہ ہنر نہیں آتا

جب تلک میرے سر نہیں آتا

ان کا الزام بر نہیں آتا

تب فلک پر قمر نہیں آتا

یار جب بام پر نہیں آتا

فرق زیر و زبر نہیں آتا

مجھ کو کچھ بھی نظر نہیں آتا

ہجرتوں کی اندھیری راہوں میں

چلتا جاتا ہوں گھر نہیں آتا

چشم نرگس اداس رہتی ہے

اب کوئی دیدہ ور نہیں آتا

بات میں صاف صاف کرتا ہوں

مجھ کو یہ گر مگر نہیں آتا

زندگی اتنی دیر مہلت دے

جب تلک نامہ بر نہیں آتا

جانے کب سے ہوں منتظر اس کا

پر مرا منتظر نہیں آتا

عشق دیتا ہے خود خبر اپنی

لے کے قاصد خبر نہیں آتا

عمر بھی لوٹ کر نہیں آتی

وقت بھی لوٹ کر نہیں آتا

پھر نہ مل پاؤں گا زمانے سے

یاد خود کو اگر نہیں آتا

روشنی سے بنے جو ہوتے ہیں

ان کا سایہ نظر نہیں آتا

وقت وہ میہمان ہے حسانؔ

جو کبھی لوٹ کر نہیں آتا