zulmat-e-shab ko bahar taur to Dhalna hoga

zulmat-e-shab ko bahar taur to Dhalnā hogā

ab har ik siip se motī ko nikalnā hogā

so chuke haiñ jo sabhī ḳhvāb jagāo logo

dil ko tā۔bīr kī ḳhvāhish pe machalnā hogā

ab to gir gir ke sañbhalne kā ravādār nahīñ

Thokaroñ se tumheñ har baar sañbhalnā hogā

apne a.asāb ko jazbāt ko faulādī kar

dil agar mom banā us ko pighalnā hogā

ik zarā chuuk na kar de kahīñ barbād tujhe

vaqt kī lai pe tujhe jhuum ke chalnā hogā

ban jā tū ahl-e-hunar ḳhud pe bharosa kar le

varna tujh ko bhī khilaunoñ pe bahalnā hogā

chhoḌ jaa.e na zamāna tujhe aadhe raste

ban ke burrāq tujhe aage nikalnā hogā

jaan le tū jo hai 'mumtāz' hai manzil koī

ārzūoñ ko sar-e-dast kuchalnā hogā

zulmat-e-shab ko bahar taur to Dhalna hoga

ab har ek sip se moti ko nikalna hoga

so chuke hain jo sabhi KHwab jagao logo

dil ko ta۔bir ki KHwahish pe machalna hoga

ab to gir gir ke sanbhalne ka rawadar nahin

Thokaron se tumhein har bar sanbhalna hoga

apne aasab ko jazbaat ko fauladi kar

dil agar mom bana us ko pighalna hoga

ek zara chuk na kar de kahin barbaad tujhe

waqt ki lai pe tujhe jhum ke chalna hoga

ban ja tu ahl-e-hunar KHud pe bharosa kar le

warna tujh ko bhi khilaunon pe bahalna hoga

chhoD jae na zamana tujhe aadhe raste

ban ke burraq tujhe aage nikalna hoga

jaan le tu jo hai 'mumtaz' hai manzil koi

aarzuon ko sar-e-dast kuchalna hoga