zulmat ke Dar se bhagne wale KHabar bhi hai

zulmat ke Dar se bhāgne vaale ḳhabar bhī hai

tārīk shab ke baa'd tulū'-e-sahar bhī hai

kal tak to ḳhalvatoñ meñ mire saath saath thā

aaj us ko e'tirāz mulāqāt par bhī hai

manzil se gumrahī kā ab ehsās bhī hai kufr

ab to tirā ḳhayāl mirā ham-safar bhī hai

bad-qismatī kī is se baḌī aur kyā misāl

rahbar bhī saath saath hai luTne kā Dar bhī hai

kal tak mire ‘azīz-o-aqārib udaas the

lekin udaas aaj mirā chārāgar bhī hai

mauzū’-e-bahs ġhair kī tanqīd hī nahīñ

thoḌā sā ranj mujh ko tirī baat par bhī hai

gar maiñ huuñ muztarib to unheñ bhī sukūñ nahīñ

thoḌī ḳhalish idhar hai to thoḌī udhar bhī hai

zulmat ke Dar se bhagne wale KHabar bhi hai

tarik shab ke ba'd tulu'-e-sahar bhi hai

kal tak to KHalwaton mein mere sath sath tha

aaj us ko e'tiraaz mulaqat par bhi hai

manzil se gumrahi ka ab ehsas bhi hai kufr

ab to tera KHayal mera ham-safar bhi hai

bad-qismati ki is se baDi aur kya misal

rahbar bhi sath sath hai luTne ka Dar bhi hai

kal tak mere ‘aziz-o-aqarib udas the

lekin udas aaj mera chaaragar bhi hai

mauzu’-e-bahs ghair ki tanqid hi nahin

thoDa sa ranj mujh ko teri baat par bhi hai

gar main hun muztarib to unhen bhi sukun nahin

thoDi KHalish idhar hai to thoDi udhar bhi hai