aaj maqtal mein gul khil gae

aaj maqtal meñ gul khil ga.e

sar jhukā.e se qātil ga.e

ham talāsh-e-bahārāñ meñ the

raah meñ aap hī mil ga.e

zindagī gungunāne lagī

aap ke lab jahāñ hil ga.e

zaḳhm-e-dil un kī muskān par

kuchh khule aur kuchh sil ga.e

un ke chalne kī āvāz thī

yā farishtoñ ke par hil ga.e

aap ne muḌ ke dekhā hameñ

dard ko hausle mil ga.e

ḳhush-nasībī se 'āzād' ko

aap se ahl-e-dil mil ga.e

aaj maqtal mein gul khil gae

sar jhukae se qatil gae

hum talash-e-bahaaran mein the

rah mein aap hi mil gae

zindagi gungunane lagi

aap ke lab jahan hil gae

zaKHm-e-dil un ki muskan par

kuchh khule aur kuchh sil gae

un ke chalne ki aawaz thi

ya farishton ke par hil gae

aap ne muD ke dekha hamein

dard ko hausle mil gae

KHush-nasibi se 'azad' ko

aap se ahl-e-dil mil gae