aaj saDkon par likhe hain saikDon nare na dekh

aaj saḌkoñ par likhe haiñ saikḌoñ na.are na dekh

ghar añdherā dekh tū ākāsh ke taare na dekh

ek dariyā hai yahāñ par duur tak phailā huā

aaj apne bāzuoñ ko dekh patvāreñ na dekh

ab yaqīnan Thos hai dhartī haqīqat kī tarah

ye haqīqat dekh lekin ḳhauf ke maare na dekh

ve sahāre bhī nahīñ ab jang laḌnī hai tujhe

kaT chuke jo haath un hāthoñ meñ talvāreñ na dekh

dil ko bahlā le ijāzat hai magar itnā na uḌ

roz sapne dekh lekin is qadar pyāre na dekh

ye dhuñdalkā hai nazar kā tū mahaz māyūs hai

rauzanoñ ko dekh dīvāroñ meñ dīvāreñ na dekh

raakh kitnī raakh hai chāroñ taraf bikhrī huī

raakh meñ chingāriyāñ hī dekh angāre na dekh

aaj saDkon par likhe hain saikDon nare na dekh

ghar andhera dekh tu aakash ke tare na dekh

ek dariya hai yahan par dur tak phaila hua

aaj apne bazuon ko dekh patwaren na dekh

ab yaqinan Thos hai dharti haqiqat ki tarah

ye haqiqat dekh lekin KHauf ke mare na dekh

we sahaare bhi nahin ab jang laDni hai tujhe

kaT chuke jo hath un hathon mein talwaren na dekh

dil ko bahla le ijazat hai magar itna na uD

roz sapne dekh lekin is qadar pyare na dekh

ye dhundalka hai nazar ka tu mahaz mayus hai

rauzanon ko dekh diwaron mein diwaren na dekh

rakh kitni rakh hai chaaron taraf bikhri hui

rakh mein chingariyan hi dekh angare na dekh