بہت سنبھال کے رکھی تو پائمال ہوئی

بہت سنبھال کے رکھی تو پائمال ہوئی

سڑک پہ پھینک دی تو زندگی نہال ہوئی

بڑا لگاؤ ہے اس موڑ سے نگاہوں کو

کہ سب سے پہلے یہیں روشنی حلال ہوئی

کوئی نجات کی صورت نہیں رہی نہ سہی

مگر نجات کی کوشش تو اک مثال ہوئی

میرے ذہن پہ زمانہ کا وہ دباؤ پڑا

جو اک سلیٹ تھی وہ زندگی سوال ہوئی

انہیں پتہ بھی نہیں ہے کہ ان کے پاؤں سے

وہ خوں بہا ہے کہ یہ گرد بھی گلال ہوئی

مری زبان سے نکلی تو صرف نظم بنی

تمہارے ہاتھ میں آئی تو ایک مثال ہوئی