بھوک ہے تو صبر کر روٹی نہیں تو کیا ہوا

بھوک ہے تو صبر کر روٹی نہیں تو کیا ہوا

آج کل دلی میں ہے زیر بحث یہ مدعا

موت نے تو دھر دبوچا ایک چیتے کی طرح

زندگی نے جب چھوا تب فاصلہ رکھ کر چھوا

گڑگڑانے کا یہاں کوئی اثر ہوتا نہیں

پیٹ بھر کر گالیاں دو آہ بھر کر بد دعا

کیا وجہ ہے پیاس زیادہ تیز لگتی ہے یہاں

لوگ کہتے ہیں کہ پہلے اس جگہ پر تھا کنواں

آپ دستانے پہن کر چھو رہے ہیں آگ کو

آپ کے بھی خون کا رنگ ہو گیا ہے سانولا

اس شہر میں وہ کوئی بارات ہو یا واردات

اب کسی بھی بات پر کھلتی نہیں ہیں کھڑکیاں