chahte hain ghar buton ke dil mein hum
![Satish Balram Agnihotri Satish Balram Agnihotri](https://www.rekhta.org/Content/Images/quill.png)
chahte hain ghar buton ke dil mein hum
Satish Balram Agnihotri
MORE BYSatish Balram Agnihotri
chāhte haiñ ghar butoñ ke dil meñ ham
haiñ junūñ kī āḳhirī manzil meñ ham
ye to mat mahsūs hone dījiye
ajnabī haiñ aap kī mahfil meñ ham
duur se aatā hai mub.ham sā javāb
deñ use āvāz jis manzil meñ ham
sochiye āḳhir vo kyā hālāt haiñ
jā rahe haiñ kūcha-e-qātil meñ ham
jī na mailā kījiye fariyād par
haiñ pashemāñ aap apne dil meñ ham
ham ġhalat ruj.hān rakhte the ki aap
aap se pūchheñge mustaqbil meñ ham
chahte hain ghar buton ke dil mein hum
hain junun ki aaKHiri manzil mein hum
ye to mat mahsus hone dijiye
ajnabi hain aap ki mahfil mein hum
dur se aata hai mubham sa jawab
den use aawaz jis manzil mein hum
sochiye aaKHir wo kya haalat hain
ja rahe hain kucha-e-qatil mein hum
ji na maila kijiye fariyaad par
hain pasheman aap apne dil mein hum
hum ghalat rujhan rakhte the ki aap
aap se puchhenge mustaqbil mein hum
- Book : Lafz Magazine-01 Feb-2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.