دیکھیے نا تیز کتنی عمر کی رفتار ہے

دیکھیے نا تیز کتنی عمر کی رفتار ہے

زندگی میں چین کم اور فرض کی بھر مار ہے

بے وجہ کی رار سے کتنا لڑے آخر کوئی

ایک مشکل سے بچے تو دوسری تیار ہے

ہو پرایا گر کوئی تو دشمنی منظور ہے

آج اپنوں سے لڑے تو جیت میں بھی ہار ہے

اب جہاں میں خون کے رشتہ کہاں باقی رہے

خون کے رشتوں میں بہتی خون کی اب دھار ہے

بول میٹھے بھی کہاں اب بولتا کوئی یہاں

ہر زباں پہ آج کیول سانپ کی پھنکار ہے

دل دکھایا تھا جنھوں نے وہ پرائے تو نہ تھے

آج کیسے مان لیں کہ ان کو ہم سے پیار ہے

کوئی بھی ایسا نہیں جو موت سے بچ جائے گا

آخری منزل سبھی کی موت کے اس پار ہے