hum apne-ap se ghafil rahe hain

ham apne-āp se ġhāfil rahe haiñ

bichhaḌte vaqt ḳhud se mil rahe haiñ

na baḳhshegī hamārī ruuh ham ko

ham apne jism ke qātil rahe haiñ

vo gul haiñ ham ki jis Tahnī se TuuTe

usī Tahnī pe phir se khil rahe haiñ

ham us kashtī ko kaise Dūbne deñ

ki jis kashtī ke ham sāhil rahe haiñ

haiñ paḌhne meñ bahut āsāñ ham alhaḌ

samajhne meñ zarā mushkil rahe haiñ

hum apne-ap se ghafil rahe hain

bichhaDte waqt KHud se mil rahe hain

na baKHshegi hamari ruh hum ko

hum apne jism ke qatil rahe hain

wo gul hain hum ki jis Tahni se TuTe

usi Tahni pe phir se khil rahe hain

hum us kashti ko kaise Dubne den

ki jis kashti ke hum sahil rahe hain

hain paDhne mein bahut aasan hum alhaD

samajhne mein zara mushkil rahe hain