humne tanhai mein zanjir se baaten ki hain

ham ne tanhā.ī meñ zanjīr se bāteñ kī haiñ

apnī soī huī taqdīr se bāteñ kī haiñ

tere dīdār kī kyā ḳhaak tamannā hogī

zindagī bhar tirī tasvīr se bāteñ kī haiñ

maut ke Dar se meñ ḳhāmosh rahūñ la.anat hai

jabki jallād kī shamshīr se bāteñ kī haiñ

qais kī lailā yā farhād kī shīrīñ kah lo

ham nahīñ rāñjhā magar hiir se bāteñ kī haiñ

‘rang’ kā rang zamāne ne bahut dekhā hai

kyā kabhī aap ne ‘balbīr’ se bāteñ kī haiñ

hum ne tanhai mein zanjir se baaten ki hain

apni soi hui taqdir se baaten ki hain

tere didar ki kya KHak tamanna hogi

zindagi bhar teri taswir se baaten ki hain

maut ke Dar se mein KHamosh rahun lanat hai

jabki jallad ki shamshir se baaten ki hain

qais ki laila ya farhad ki shirin kah lo

hum nahin ranjha magar hir se baaten ki hain

‘rang’ ka rang zamane ne bahut dekha hai

kya kabhi aap ne ‘balbir’ se baaten ki hain