مت پوچھئے کہ کیسے سفر کاٹ رہے ہیں

مت پوچھئے کہ کیسے سفر کاٹ رہے ہیں

ہر سانس اک سزا ہے مگر کاٹ رہے ہیں

خاموش آسمان کے سائے میں ہر اک بار

ہم اپنی حسرتوں کے ہی سر کاٹ رہے ہیں

کمزور چھت سے آج بھی ایک اینٹ گری ہے

کچھ لوگ ہیں کہ پھر بھی غدر کاٹ رہے ہیں

آدھی تو جیبھ اپنے ہی دانتوں نے کتر لی

باقی بچی کو مون ادھر کاٹ رہے ہیں

دیکھے ہیں جب سے اوروں کے بہتے ہوئے آنسو

ہم اپنے آنسوؤں کی خبر کاٹ رہے ہیں

ہر گاؤں پوچھتا ہے مسافر سے یہی بات

کیا تم کو بھی تمہارے نگر کاٹ رہے ہیں

اب زہر بن گیا ہے نیا دوست ہمارا

ہم اپنے منتر کا ہی اثر کاٹ رہے ہیں

کیسے بہیلیے ہیں کہ جو آخری دم تک

ہم کو اڑا رہے ہیں نہ پر کاٹ رہے ہیں