موسم کا من پر کوئی ادھیکار نہیں

موسم کا من پر کوئی ادھیکار نہیں

بادل ہیں پر بارش کے آثار نہیں

بستی میں کچھ لوگ نہ مارے جاتے ہوں

یاد ہمیں ایسا کوئی تیوہار نہیں

پیار محبت سیدھے سادھے رستے نہیں

کوئی ان پر چلنے کو تیار نہیں

سب من کی کمزوری ہوتی ہے ورنہ

گر نہ سکے ایسی کوئی دیوار نہیں

لوگوں سے امید نہیں سچ بولیں گے

سچ سننے کو جب کوئی تیار نہیں

ہار اصولوں کی خاطر تو ہے منظور

جینا ہمیں پر شرطوں پر سویکار نہیں

جانے کیوں اب شاعر کے ہونٹوں پر بھی

دل کو چھو لینے والے اشعار نہیں