مسافر مشکلوں میں ہی تجھے پھر ڈھونڈھنا ہوگا

مسافر مشکلوں میں ہی تجھے پھر ڈھونڈنا ہوگا

تری الجھن کا بھی آخر کوئی تو راستہ ہوگا

یہ کلیاں پھول بن کر اتنی جلدی کھل نہیں پاتیں

خیالوں میں نگاہوں میں انہیں اس نے چھوا ہوگا

ذرا چلنے سے پہلے دیکھ لے کشتی ارے مانجھی

بہت ممکن ہے ساگر میں کوئی طوفاں اٹھا ہوگا

تمہیں کیوں باڑھ میں بے گھر ہوئے دوجا نہیں کوئی

ندی کے تٹ کی بالو پر تمہارا گھر رہا ہوگا

تجربہ ہے مجھے اس کا کبھی بھی آزما لینا

بھروسے میں لٹے بھی تو تمہارا فائدہ ہوگا

مجھے لگتا ہے جانے کیوں خدا کو دیکھنے والا

کوئی بڈھا نہیں ہوگا کوئی بچہ رہا ہوگا