musafir mushkilon mein hi tujhe phir DhunDhna hoga

musāfir mushkiloñ meñ hī tujhe phir DhūñDnā hogā

tirī uljhan kā bhī āḳhir koī to rāsta hogā

ye kaliyāñ phuul ban kar itnī jaldī khil nahīñ pātīñ

ḳhayāloñ meñ nigāhoñ meñ inheñ us ne chhuā hogā

zarā chalne se pahle dekh le kashtī are māñjhī

bahut mumkin hai sāgar meñ koī tūfāñ uThā hogā

tumhīñ kyuuñ baaḌh meñ be-ghar hue duujā nahīñ koī

nadī ke taT kī baalū par tumhārā ghar rahā hogā

tajarba hai mujhe is kā kabhī bhī aazmā lenā

bharose meñ luTe bhī to tumhārā fā.eda hogā

mujhe lagtā hai jaane kyuuñ ḳhudā ko dekhne vaalā

koī buDDhā nahīñ hogā koī bachcha rahā hogā

musafir mushkilon mein hi tujhe phir DhunDna hoga

teri uljhan ka bhi aaKHir koi to rasta hoga

ye kaliyan phul ban kar itni jaldi khil nahin patin

KHayalon mein nigahon mein inhen us ne chhua hoga

zara chalne se pahle dekh le kashti are manjhi

bahut mumkin hai sagar mein koi tufan uTha hoga

tumhin kyun baDh mein be-ghar hue duja nahin koi

nadi ke taT ki baalu par tumhaara ghar raha hoga

tajarba hai mujhe is ka kabhi bhi aazma lena

bharose mein luTe bhi to tumhaara faeda hoga

mujhe lagta hai jaane kyun KHuda ko dekhne wala

koi buDDha nahin hoga koi bachcha raha hoga