phul jab bhi sanware gae

phuul jab bhī sañvāre ga.e

Tahniyoñ se utāre ga.e

dard jab bhī jahāñ bhī baTe

bār-hā ham pukāre ga.e

ham-safar dost hamrāz the

vaqt-e-mushkil vo saare ga.e

tum mile to ye kyā ho gayā

sab hamāre tumhāre ga.e

jo chhalāñgoñ se chhat par chaḌhe

sab se pahle utāre ga.e

phul jab bhi sanware gae

Tahniyon se utare gae

dard jab bhi jahan bhi baTe

bar-ha hum pukare gae

ham-safar dost hamraaz the

waqt-e-mushkil wo sare gae

tum mile to ye kya ho gaya

sab hamare tumhaare gae

jo chhalangon se chhat par chaDhe

sab se pahle utare gae