qadr kho kar jab kisi ko qad mile
qadr kho kar jab kisī ko qad mile
sirf shohrat hī use az-had mile
kuchh to de jhūTā dilāsa hī sahī
hausle ko koī to maqsad mile
jaane kyā thā jis ko likh paayā nahīñ
us ke ghar se adh-likhe kāġhaz mile
aa udāsī oḌh kar so jaa.eñ ham
ḳhvāhishoñ kī kaash koī had mile
kyā kareñ baunī tamannā.eñ ai dost
ik irāda kaash ādam-qad mile
jism ke tārīk ḳhānoñ se guzar
tab ujāloñ kī koī sarhad mile
qadr kho kar jab kisi ko qad mile
sirf shohrat hi use az-had mile
kuchh to de jhuTa dilasa hi sahi
hausle ko koi to maqsad mile
jaane kya tha jis ko likh paya nahin
us ke ghar se adh-likhe kaghaz mile
aa udasi oDh kar so jaen hum
KHwahishon ki kash koi had mile
kya karen bauni tamannaen ai dost
ek irada kash aadam-qad mile
jism ke tarik KHanon se guzar
tab ujalon ki koi sarhad mile
- Book : Hindustani Gazle.n
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
