اس ایک شے سے مرے دھیان کا نشہ ٹوٹا

اس ایک شے سے مرے دھیان کا نشہ ٹوٹا

نہ جانے ہاتھ سے کیا چھوٹا جانے کیا ٹوٹا

لگا کہ جیسے ملے ہوں ہم ایک عمر کے بعد

تمام رات نہ باتوں کا سلسلہ ٹوٹا

پہاڑ برف کے آوارہ پانیوں سے کٹے

جگہ جگہ پہ ملا مجھ کو راستہ ٹوٹا

ہرا بھرا تھا شکایت نہ تھی کسی سے اسے

ہوا بدلتے ہی اس کا بھی آسرا ٹوٹا

اسے تلاش تھی اپنے ہی ایک لمحے کی

وہ بار بار کئی لمحوں سے جڑا ٹوٹا

تو اس کے ساتھ جڑی تار تار ٹوٹے گی

وہ شخص اپنی حدوں میں اگر ذرا ٹوٹا