wo kyun hukm deta hai sipah salar jo Thahra

vo keval hukm detā hai sipah sālār jo Thahrā

maiñ us kī jang laḌtā huuñ maiñ bas hathiyār jo Thahrā

dikhāve kī ye hamdardī tasallī khokhle vaade

mujhe sab jhelne paḌte haiñ maiñ bekār jo Thahrā

tū bhāgam-bhāg meñ is daur kī shāmil huī hī kyuuñ

maiñ kaise saath duuñ terā maiñ kam raftār jo Thahrā

mohabbat dostī chāhat vafā dil aur kavitā se

mire is daur ko parhez hai bīmār jo Thahrā

ghuTan lagtī na yuuñ kamre meñ ik do khiḌkiyāñ hotīñ

maiñ keval soch saktā huuñ kirāya-dār jo Thahrā

use har shaḳhs ko apnā banānā ḳhuub aatā hai

magar vo ḳhud kisī kā bhī nahīñ hushiyār jo Thahrā

wo kewal hukm deta hai sipah salar jo Thahra

main us ki jang laDta hun main bas hathiyar jo Thahra

dikhawe ki ye hamdardi tasalli khokhle wade

mujhe sab jhelne paDte hain main bekar jo Thahra

tu bhagam-bhag mein is daur ki shamil hui hi kyun

main kaise sath dun tera main kam raftar jo Thahra

mohabbat dosti chahat wafa dil aur kawita se

mere is daur ko parhez hai bimar jo Thahra

ghuTan lagti na yun kamre mein ek do khiDkiyan hotin

main kewal soch sakta hun kiraya-dar jo Thahra

use har shaKHs ko apna banana KHub aata hai

magar wo KHud kisi ka bhi nahin hushiyar jo Thahra