زندگی آس کی دنیا کا سنور جانا ہے

زندگی آس کی دنیا کا سنور جانا ہے

موت انسان کے سپنوں کا بکھر جانا ہے

ہم سے کیا پوچھتے ہو ہم کو کدھر جانا ہے

ہم تو خوشبو ہیں بہر حال بکھر جانا ہے

ہم تو خوشبو ہیں بہر حال بکھر جانا ہے

اور خوشبو کا بکھر جانا سنور جانا ہے

زندہ رہنا ہے تو مرنے کا سلیقہ سیکھو

ورنہ مرنے کو تو ہر ویکتی کو مر جانا ہے

زندگی کیا ہے مسافر کا نرنتر چلنا

موت چلتے ہوئے راہی کا ٹھہر جانا ہے

آپ اوروں کے ہنر کو بھی نہیں کہتے ہنر

ہم نے تو آپ کے عیبوں کو ہنر جانا ہے

پیار کی راہ میں کانٹیں ہوں کہ شعلے روشنؔ

ہم گزر جائیں گے ہم کو تو گزر جانا ہے