ab chal paDa hun aaKHiri apne safar ko main

ab chal paḌā huuñ āḳhirī apne safar ko meñ

achchhā hai sīdhā kar luuñ jo apnī kamar ko maiñ

haiñ ta.aziyat ko apnī ye donoñ uḌe hue

''hairāñ huuñ dil ko ro.uuñ ki peToñ jigar ko maiñ''

jab se baḌhā hai shahr meñ mautoñ kā silsila

hamrāh apne rakhtā huuñ ik nauhagar ko maiñ

mujh ko milegā biime kā paisa na ek bhī

''ye jāntā to aag lagātā na ghar ko maiñ''

Takrā gayā meñ Dhol se ik tārkol ke

muñh kaalā kar ke dūñgā duā guzar ko maiñ

ġham-ḳhvār ho na aadmī kā aadmī jahāñ

la.anat hazār bhejtā huuñ is nagar ko maiñ

saare fasād kī vahī ik jaḌ hai shahr meñ

jī chāhtā hai phūñk duuñ leader ke ghar ko maiñ

nazr-e-karam kā spray vo roz kar sakeñ

rakhtā khulā huuñ is liye zaḳhm-e-jigar ko maiñ

tārīf itnī karte ho kyuuñ 'rāz' kī janāb

kyā jāntā nahīñ huuñ bhalā is lachar ko maiñ

ab chal paDa hun aaKHiri apne safar ko mein

achchha hai sidha kar lun jo apni kamar ko main

hain taziyat ko apni ye donon uDe hue

hairan hun dil ko roun ki peTon jigar ko main

jab se baDha hai shahr mein mauton ka silsila

hamrah apne rakhta hun ek nauhagar ko main

mujh ko milega bime ka paisa na ek bhi

ye jaanta to aag lagata na ghar ko main

Takra gaya mein Dhol se ek tarkol ke

munh kala kar ke dunga dua guzar ko main

gham-KHwar ho na aadmi ka aadmi jahan

lanat hazar bhejta hun is nagar ko main

sare fasad ki wahi ek jaD hai shahr mein

ji chahta hai phunk dun leader ke ghar ko main

nazr-e-karam ka spray wo roz kar saken

rakhta khula hun is liye zaKHm-e-jigar ko main

tarif itni karte ho kyun 'raaz' ki janab

kya jaanta nahin hun bhala is lachar ko main