alauddin ka tarbuz

yaqīñ hai jaa.e gī ik roz jaan dillī meñ

talāsh karte hue ik makān dillī meñ

tamām din ke sar-e-rāh ham thake-hāre

shikam meñ chūhe uchhalte the bhuuk ke maare

baḌā thā merā shikam dosto maiñ kyā kartā

raqam thī jeb meñ kam dosto maiñ kyā kartā

chalā ḳharīd ke tarbūz sū-e-dasht haqīr

lagī jo paañv meñ Thokar sañvar ga.ī taqdīr

ġham-e-hayāt kī rātoñ meñ din nikal aayā

girā jo haath se tarbūz jinn nikal aayā

adab se bolā ki adnā ġhulām huuñ 'sāġhar'

jo ho sake na kisī se vo kaam huuñ 'sāgar'

ishāra ho to maiñ ruḳh moḌ duuñ zamāne kā

banā duuñ tum ko manager yatīm-ḳhāne kā

mire sabab se latīfa mushā.ira ho jaa.e

palak jhapakne meñ shā.er bhī shā.era ho jaa.e

gunāh-o-shirk kī rātoñ meñ āftāb mile

ibādateñ kareñ mullā tumheñ savāb mile

agar maiñ chāhūñ muleThī se ras-bharī ho jaao

baġhair tiir chalā.e padam-shrī ho jaao

maiñ aadmī nahīñ dushman se sāz-bāz karūñ

agar maiñ chāhūñ to ahmaq ko sarfarāz karūñ

jo hukm kiije to murde meñ jaan Dalvā duuñ

maiñ ahd-e-pīrī meñ biivī javān dilvā duuñ

bajā.eñ sīTiyāñ ab talḳhiyāñ zamāne kī

ye pakḌo kunjiyāñ qārūn ke ḳhazāne kī

nahīñ hai dil kī tamannā jahān dilvā de

maiñ haath joḌ ke bolā makān dilvā de

ye kah ke ghus gayā tarbūz meñ vo kaalā jinn

ajiib vaqt hai bigḌe hue haiñ sab ke din

ye sard sard fazāoñ kā ġham na sahte ham

makāñ jo miltā to tarbūz meñ na rahte ham

yaqin hai jae gi ek roz jaan dilli mein

talash karte hue ek makan dilli mein

tamam din ke sar-e-rah hum thake-haare

shikam mein chuhe uchhalte the bhuk ke mare

baDa tha mera shikam dosto main kya karta

raqam thi jeb mein kam dosto main kya karta

chala KHarid ke tarbuz su-e-dasht haqir

lagi jo panw mein Thokar sanwar gai taqdir

gham-e-hayat ki raaton mein din nikal aaya

gira jo hath se tarbuz jinn nikal aaya

adab se bola ki adna ghulam hun 'saghar'

jo ho sake na kisi se wo kaam hun 'sagar'

ishaara ho to main ruKH moD dun zamane ka

bana dun tum ko manager yatim-KHane ka

mere sabab se latifa mushaira ho jae

palak jhapakne mein shaer bhi shaera ho jae

gunah-o-shirk ki raaton mein aaftab mile

ibaadaten karen mulla tumhein sawab mile

agar main chahun muleThi se ras-bhari ho jao

baghair tir chalae padam-shri ho jao

main aadmi nahin dushman se saz-baz karun

agar main chahun to ahmaq ko sarfaraaz karun

jo hukm kije to murde mein jaan Dalwa dun

main ahd-e-piri mein biwi jawan dilwa dun

bajaen siTiyan ab talKHiyan zamane ki

ye pakDo kunjiyan qarun ke KHazane ki

nahin hai dil ki tamanna jahan dilwa de

main hath joD ke bola makan dilwa de

ye kah ke ghus gaya tarbuz mein wo kala jinn

ajib waqt hai bigDe hue hain sab ke din

ye sard sard fazaon ka gham na sahte hum

makan jo milta to tarbuz mein na rahte hum