america aur biwi

merī biivī nāshta kartī na thī mere baġhair

raat kā khānā bhī mere saath hī khātī thī vo

pahuñchī america to us ko lag ga.ī aisī havā

mujh ko nukkaḌ se bas ik bargar mañgā detī thī vo

dandanātī phirtī thī vo apnī cadillac meñ

baat kartā thā to bas T.v lagā letī thī vo

tab polāv aur biryānī to bas ik ḳhvāb thā

naam se bhī un ke to nārāz ho jaatī thī vo

nisf behtar maiñ thā mujh ko nisf bad-tar kar dayā

mere hisse ke bhī sab dollar uḌā detī thī vo

ḳharch karnā us kā sheva aur kamānā merā kaam

mujh ko ye nukta baḌī chāhat se samjhātī thī vo

kar ke shādī phañs ga.e hammād-hasan par karte kiyā

zindagī kī gaaḌī kā pahiya jo kahlātī thī vo

meri biwi nashta karti na thi mere baghair

raat ka khana bhi mere sath hi khati thi wo

pahunchi america to us ko lag gai aisi hawa

mujh ko nukkaD se bas ek bargar manga deti thi wo

dandanati phirti thi wo apni cadillac mein

baat karta tha to bas Tw laga leti thi wo

tab polaw aur biryani to bas ek KHwab tha

nam se bhi un ke to naraaz ho jati thi wo

nisf behtar main tha mujh ko nisf bad-tar kar daya

mere hisse ke bhi sab dollar uDa deti thi wo

KHarch karna us ka shewa aur kamana mera kaam

mujh ko ye nukta baDi chahat se samjhati thi wo

kar ke shadi phans gae hammad-hasan par karte kiya

zindagi ki gaDi ka pahiya jo kahlati thi wo