بدنام اسی واسطے ہیں شہر میں غزلیں

بدنام اسی واسطے ہیں شہر میں غزلیں

لکھتا ہے طویل اور بڑی بحر میں غزلیں

پڑھتا ہے تو مقطع کا پتہ تک نہیں چلتا

سامع کو لگیں کیوں نہ بجھی زہر میں غزلیں

جی چاہے اسے جا کے میں لہروں میں ڈبو دوں

جس وقت سناتا ہے مجھے لہر میں غزلیں

کچھ وقت جو اس شخص کی صحبت میں گزارے

آئیں گی نظر صرف اسے دہر میں غزلیں

وہ رات تلک مجھ کو سنا کر ہی ٹلے گا

کم بخت نے لکھی ہیں جو سہ پہر میں غزلیں

کاغذ ترے بھیگے ہوئے کیوں ہیں تو وہ بولا

بیگم نے بہا ڈالی تھیں کل نہر میں غزلیں