badnam isi waste hain shahr mein ghazlen

badnām isī vāste haiñ shahr meñ ġhazleñ

likhtā hai tavīl aur baḌī bahr meñ ġhazleñ

paḌhtā hai to maqta' kā pata tak nahīñ chaltā

sāme’ ko lageñ kyoñ na bujhī zahr meñ ġhazleñ

jī chāhe use jā ke maiñ lahroñ meñ Dubo duuñ

jis vaqt sunātā hai mujhe lahr meñ ġhazleñ

kuchh vaqt jo us shaḳhs kī sohbat meñ guzāre

ā.eñgī nazar sirf use dahr meñ ġhazleñ

vo raat talak mujh ko sunā kar hī Talegā

kam-baḳht ne likkhī haiñ jo sah-pahr meñ ġhazleñ

kāġhaz tire bhīge hue kyoñ haiñ to vo bolā

begam ne bahā Daalī thiiñ kal nahr meñ ġhazleñ

badnam isi waste hain shahr mein ghazlen

likhta hai tawil aur baDi bahr mein ghazlen

paDhta hai to maqta' ka pata tak nahin chalta

same’ ko lagen kyon na bujhi zahr mein ghazlen

ji chahe use ja ke main lahron mein Dubo dun

jis waqt sunata hai mujhe lahr mein ghazlen

kuchh waqt jo us shaKHs ki sohbat mein guzare

aaengi nazar sirf use dahr mein ghazlen

wo raat talak mujh ko suna kar hi Talega

kam-baKHt ne likkhi hain jo sah-pahr mein ghazlen

kaghaz tere bhige hue kyon hain to wo bola

begam ne baha Dali thin kal nahr mein ghazlen