bajaT ki kai saKHtiyan aur bhi hain

bajaT kī ka.ī saḳhtiyāñ aur bhī haiñ

''abhī ishq ke imtihāñ aur bhī haiñ''

ba-zāhir to ye ik avāmī bajaT hai

magar is meñ kuchh ḳhūbiyāñ aur bhī haiñ

nahīñ chal sakī ik sifārish to kyā ġham

na ghabrā mire mehrbāñ aur bhī haiñ

faqat ek bil hī nahīñ doctor kā

davāoñ kī kuchh parchiyāñ aur bhī haiñ

na itrā agar bach gayā hādse se

saḌak par abhī lāriyāñ aur bhī haiñ

kabhī 'mīr' o 'ġhālib' suḳhan-var the lekin

yahāñ ab fulāñ o fulāñ aur bhī haiñ

faqat rañg hī un kā kaalā nahīñ hai

isī qism kī ḳhūbiyāñ aur bhī haiñ

nahīñ shaiḳh kī ek pinDī meñ zauja

karachi meñ do bīviyāñ aur bhī haiñ

na khīñcho abhī haath khāne se 'shāhid'

polāv meñ kuchh boTiyāñ aur bhī haiñ

bajaT ki kai saKHtiyan aur bhi hain

abhi ishq ke imtihan aur bhi hain

ba-zahir to ye ek awami bajaT hai

magar is mein kuchh KHubiyan aur bhi hain

nahin chal saki ek sifarish to kya gham

na ghabra mere mehrban aur bhi hain

faqat ek bil hi nahin doctor ka

dawaon ki kuchh parchiyan aur bhi hain

na itra agar bach gaya hadse se

saDak par abhi lariyan aur bhi hain

kabhi 'mir' o 'ghaalib' suKHan-war the lekin

yahan ab fulan o fulan aur bhi hain

faqat rang hi un ka kala nahin hai

isi qism ki KHubiyan aur bhi hain

nahin shaiKH ki ek pinDi mein zauja

karachi mein do biwiyan aur bhi hain

na khincho abhi hath khane se 'shahid'

polaw mein kuchh boTiyan aur bhi hain