beTa aur man

ek urdu ke professor kā beTā 'jām.ī'

apnī maañ ko ḳhat likhā kartā thā hindī meñ sadā

ek din pūchhā miyāñ urdu meñ kyoñ likhte nahīñ

I urdu don't know sir faḳhr se us ne kahā

jab ye pūchhā paḌh liyā kartī haiñ vo devnāgrī

hans ke bolā my mammy don't know hindī zarā

kis tarah mālūm hotā hai unheñ mazmūn-e-ḳhat

bolā ḳhat paḌh kar sunā detā hai koī dūsrā

kis zabāñ meñ maañ tumheñ detī haiñ is ḳhat kā javāb

she hamesha write in urdu mujhe us ne kahā

kaise phir mālūm hotā hai tumheñ mazmūn-e-ḳhat

bolā mujh ko bhī sunā detā hai paḌh kar dūsrā

ek urdu ke professor ka beTa 'jami'

apni man ko KHat likha karta tha hindi mein sada

ek din puchha miyan urdu mein kyon likhte nahin

I urdu don't know sir faKHr se us ne kaha

jab ye puchha paDh liya karti hain wo dewnagri

hans ke bola my mammy don't know hindi zara

kis tarah malum hota hai unhen mazmun-e-KHat

bola KHat paDh kar suna deta hai koi dusra

kis zaban mein man tumhein deti hain is KHat ka jawab

she hamesha write in urdu mujhe us ne kaha

kaise phir malum hota hai tumhein mazmun-e-KHat

bola mujh ko bhi suna deta hai paDh kar dusra