boycott ki jab uske kahin tarif hoti hai

boy-cut kī jab us ke kahīñ tā'rīf hotī hai

to zulfoñ ke asīroñ ko baḌī taklīf hotī hai

agar daftar meñ aa jaa.e koī īmān-dār afsar

to phir murda zamīroñ ko baḌī taklīf hotī hai

vo jis din ban sañvar kar apnī khiḌkī meñ nahīñ aatī

qasam se rāhgīroñ ko baḌī taklīf hotī hai

agar kar le vo apnī bhābhiyoñ se thoḌī muñh-mārī

mirī biivī ke vīroñ ko baḌī taklīf hotī hai

koī achchhī vazārat gar kisī member ko mil jaa.e

to baaqī ke vazīroñ ko baḌī taklīf hotī hai

nahīñ phañstā kisī din jab koī tagḌā ‘aqīdat-mañd

ka.ī pīroñ-faqīroñ ko baḌī taklīf hotī hai

boy-cut ki jab us ke kahin ta'rif hoti hai

to zulfon ke asiron ko baDi taklif hoti hai

agar daftar mein aa jae koi iman-dar afsar

to phir murda zamiron ko baDi taklif hoti hai

wo jis din ban sanwar kar apni khiDki mein nahin aati

qasam se rahgiron ko baDi taklif hoti hai

agar kar le wo apni bhabhiyon se thoDi munh-mari

meri biwi ke wiron ko baDi taklif hoti hai

koi achchhi wazarat gar kisi member ko mil jae

to baqi ke waziron ko baDi taklif hoti hai

nahin phansta kisi din jab koi tagDa ‘aqidat-mand

kai piron-faqiron ko baDi taklif hoti hai