chor ki dua

ai ḳhāliq-e-har-arz-o-samā vaqt-e-duā hai

bande pe tire aaj ajab vaqt paḌā hai

pahle bhī har aafat se mujhe tū ne bachāyā

daa.im rahā mujh pe tire altāf kā saaya

sach to ye hai kuttoñ ko sulā rakhtā hai tū hī

mere liye darvāza khulā rakhtā hai tū hī

insāf ke panje se mujhe tū ne chhuḌāyā

aur dām-e-havālāt meñ auroñ ko phañsāyā

naamī koī Daaku nahīñ chhoTā sā huuñ ik chor

rahm aatā hai bandoñ pe bahut dil kā huuñ kamzor

chhe saat sau mil jaa.e to bande ko hai kaafī

vo chor nahīñ huuñ jo kare vāda-ḳhilāfī

is chhat pe kamand apnī maiñ phekuñgā ghumā kar

himmat de mujhe itnī ki chaḌh jā.ūñ maiñ far-far

bismillāh are-vāh maiñ qurbān maiñ qurbān

kyā ḳhuub lagī hai kamand allāh tirī shaan

ai KHaliq-e-har-arz-o-sama waqt-e-dua hai

bande pe tere aaj ajab waqt paDa hai

pahle bhi har aafat se mujhe tu ne bachaya

daim raha mujh pe tere altaf ka saya

sach to ye hai kutton ko sula rakhta hai tu hi

mere liye darwaza khula rakhta hai tu hi

insaf ke panje se mujhe tu ne chhuDaya

aur dam-e-hawalat mein auron ko phansaya

nami koi Daku nahin chhoTa sa hun ek chor

rahm aata hai bandon pe bahut dil ka hun kamzor

chhe sat sau mil jae to bande ko hai kafi

wo chor nahin hun jo kare wada-KHilafi

is chhat pe kamand apni main phekunga ghuma kar

himmat de mujhe itni ki chaDh jaun main far-far

bismillah are-wah main qurban main qurban

kya KHub lagi hai kamand allah teri shan