di gai hai

hameñ jo zindagānī dī ga.ī hai

barā-e-mehrbānī dī ga.ī hai

samā.at chhīn kar ahl-e-ḳhirad kī

hameñ jādū-bayānī dī ga.ī hai

mujhe likhne ko ik achchhā sā unvāñ

mirī apnī kahānī dī ga.ī hai

jo rāh-e-haq meñ jaañ dete haiñ un ko

hayāt-e-jāvedānī dī ga.ī hai

magar jo maut se Darte haiñ un ko

vafāt-e-nā-gahānī dī ga.ī hai

za.īfī meñ javānī dī ga.ī hai

ghaḌī ik imtihānī dī ga.ī hai

javānoñ ko jo tohfe meñ milī hai

hameñ vo muñh zabānī dī ga.ī hai

badal dī hai kisī ne shervānī

na.ī le kar purānī dī ga.ī hai

javānoñ ko mubārak ho javānī

hameñ to naujavānī dī ga.ī hai

lagā.eñge vo aag ab bhāshanoñ se

jinheñ jādū-bayānī dī ga.ī hai

divāna 'ḳhvāh-maḳhvāh' bantā na kaise

nikāh meñ ik divānī dī ga.ī hai

hamein jo zindagani di gai hai

bara-e-mehrbani di gai hai

samaat chhin kar ahl-e-KHirad ki

hamein jadu-bayani di gai hai

mujhe likhne ko ek achchha sa unwan

meri apni kahani di gai hai

jo rah-e-haq mein jaan dete hain un ko

hayat-e-jawedani di gai hai

magar jo maut se Darte hain un ko

wafat-e-na-gahani di gai hai

zaifi mein jawani di gai hai

ghaDi ek imtihani di gai hai

jawanon ko jo tohfe mein mili hai

hamein wo munh zabani di gai hai

badal di hai kisi ne sherwani

nai le kar purani di gai hai

jawanon ko mubarak ho jawani

hamein to naujawani di gai hai

lagaenge wo aag ab bhashanon se

jinhen jadu-bayani di gai hai

diwana 'KHwah-maKHwah' banta na kaise

nikah mein ek diwani di gai hai