doctor biwi

mujh ko hai dil kā āriza aur merī biivī doctor

phir bhalā har maze kī chiiz mujh se na duur jaa.e kyuuñ

lunch mirā hai ublī daal nāshta ek saada toast

roast kī ḳhushbū phir bhalā naak meñ merī aa.e kyuuñ

aslī ghī sūñgh saktā huuñ makkhan ko dekh saktā huuñ

khāne kī aarzū magar nā-tavāñ dil meñ aa.e kyuuñ

haal mirā na pūchhiye chaal mirī na dekhiye

bas itnā mujh se pūchhiye kartā huuñ bye bye kyuuñ

jiitī rahe ḳhudā kare jis ko mirā ḳhayāl hai

soch rahā hoñ ye ash.ār zehn meñ mere aa.e kyuuñ

is kī har ek baat maiñ chupke se maan letā huuñ

jis ko ho jaan o dil aziiz us ke ḳhilāf jaa.e kyuuñ

mujh ko hai dil ka aariza aur meri biwi doctor

phir bhala har maze ki chiz mujh se na dur jae kyun

lunch mera hai ubli dal nashta ek sada toast

roast ki KHushbu phir bhala nak mein meri aae kyun

asli ghi sungh sakta hun makkhan ko dekh sakta hun

khane ki aarzu magar na-tawan dil mein aae kyun

haal mera na puchhiye chaal meri na dekhiye

bas itna mujh se puchhiye karta hun bye bye kyun

jiti rahe KHuda kare jis ko mera KHayal hai

soch raha hon ye ashaar zehn mein mere aae kyun

is ki har ek baat main chupke se man leta hun

jis ko ho jaan o dil aziz us ke KHilaf jae kyun